Qyrǵyzstan prezıdentiniń janyndaǵy eki adamnan vırýs tabyldy: Jeenbekov paradqa qatyspaıdy

BІShKEK. QazAqparat – Máskeýde Qyrǵyzstan prezıdenti Sooronbaı Jeenbekovtiń qasynda birge júrgen eki adamnyń koronavırýsqa tapsyrǵan analızi oń nátıje berdi. Bul týraly Qyrǵyzstan Respýblıkasynyń apparaty málim etti, dep habarlaıdy QazAqparat Kabarǵa silteme jasap.

«Algorıtmge sáıkes, Qyrǵyzstan prezıdenti Sooronbaı Jeenbekov, delegatsııa músheleri men Máskeý qalasyna ushyp kelgende kútip alǵan adamdar COVID-19-ǵa test jasady. Qasynda júrgen eki adamnan indet tabyldy» delingen habarlamada.

Atap aıtqanda, Qyrǵyzstan prezıdenti apparaty syrtqy saıasat bóliminiń meńgerýshisi Danııar Sydyqov pen taǵy bir kúzet qyzmetkeriniń analızinen oń nátıje shyqqan.

Osyǵan baılanysty Qyrǵyzstan prezıdenti Jeńistiń 75 jyldyǵyna arnalǵan sharaǵa qatysýdan bas tartqan.

Aıta keteıik, Máskeýde Ekinshi dúnıejúzilik soǵystaǵy Jeńistiń 75 jyldyǵyna oraı áskerı sherý ótip jatyr. Oǵan Qazaqstan Prezıdenti Qasym-Jomart Toqaev ta qatysýda.