Qyrǵyzstan prezıdentiniń otbasy kúzetsiz qaldy
ASTANA. 8 qyrkúıek. QazAqparat - Qyrǵyzstan Parlamenti prezıdent otbasyna kúzet bólmeımiz dep sheshti,
dep habarlaıdy «24.kg» AA.
«Eger prezıdenttiń balalary shekara asatyn bolsa, olardy qalaı qorǵaıtyn bolamyz? Ol elimizdiń bıýdjetine úlken salmaq túsiredi. Eger prezıdent otbasynda arnaıy kúzet bolmasa, halyqtyń nazaryna ilinbes úshin ol da óziniń qoǵamdyq ortadaǵy tártibine asa úlken jaýapkershilikpen qaraıtyn bolady», - dedi depýtat Ismaıl Ysqaqov.
Onyń bastamasyn Qyrǵyzstan parlamentiniń spıkeri Ahmetbek Keldibekov te qýattady. Onyń oıynsha, komıtet durys sheshim qabyldap otyr. «Buǵan deıingi tártipte memleket basshysynyń týystary qalaı balqyp-shalqyǵany bárimizdiń esimizde bolar. Olardy kúzetkeni sonshalyq, ózderin tipti prezıdent retinde sezinetin. Oǵan qaıta jol bermeý kerek», - dedi ol.
