Qyrǵyzstan prezıdentin saılaý 19 qarashada ótedi
ASTANA. QazAqparat - Qyrǵyz Respýblıkasynyń prezıdenti Almazbek Atambaev búgin, 15 aqpanda, saılaý jáne referendýmdar ótkizý jónindegi ortalyq komıssııasynyń tóraıymy Nurjan Shaıldabekovany qabyldady.
Bul týraly memleket basshysynyń baspasóz qyzmeti málim etti, dep habarlady KırTAG.
Kezdesý barysynda memleket basshysyn OSK aǵymdaǵy qyzmeti men eldiń saılaý júıesin odan ári jetildirý boıynsha qabyldanǵan sharalar týraly habardar etti. Shaıldabekovanyń aıtýynsha, kemshilikterdi joıyp, saılaý úderisterin uıymdastyrý jumystaryn odan ári jaqsarta túsý úshin barlyq qajetti sharalar qabyldanyp jatyr.
Memleket basshysy konstıtýtsııalyq zańǵa sáıkes osy jyly 19 qarashada ótetin el prezıdentin saılaý mańyzdylyǵyn erekshe atap ótti.
