Qyrǵyzstan prezıdenti Úkimetti otstavkaǵa jiberdi
ASTANA. QazAqparat - Qyrǵyzstan prezıdenti Sooronbaı Jeenbekov búgin «Qyrǵyzstan Respýblıkasy Úkimetiniń otstavkasy» týraly Jarlyqqa qol qoıdy, dep habarlaıdy Kabar agenttigi respýblıka prezıdenti apparatynyń aqparattyq saıasat bólimine silteme jasap.
Prezıdent Jogorký Keneshtiń Qyrǵyzstan Úkimetine senimsizdik bildirýine baılanysty Qyrǵyzstan Respýblıkasy Konstıtýtsııasynyń 85-baby 6-bóligi, «Qyrǵyzstan Respýblıkasynyń úkimeti týraly» zańynyń 13-baby 1-bóligi 5-tarmaǵyn basshylyqqa ala otyryp, Qyryǵyzstan Respýblıkasynyń úkimetin otstavkaǵa jiberdi.
Jarlyqqa sáıkes, mınıstrler kabınetiniń jańa quramy qurylǵanǵan deıin Premer-Mınıstr, vıtse-premer-mınıstrler, Úkimet músheleri burynǵy qyzmetterin jalǵastyra beredi.
Prezıdenttiń Jarlyǵy qol qoıylǵan sátten bastap kúshine enedi.
