Qyrǵyzstan prezıdenti úkimetke taratý jóninde eskertý jasady
BІShKEK. QazAqparat - Qyrǵyzstan prezıdenti Almazbek Atambaev úkimet múshelerine, eger 31 tamyzǵa deıin bıometrııalyq pasportty engizý ýádelerin oryndamaǵan jaǵdaıda qyrkúıekte mınıstrler kabıneti qyzmetten ketýi múmkin ekenin aıtty. Bul 2015 jylǵy Jogorký Kenesh depýtattar saılaýyna daıyndyq máselesi qaralǵan turaqty damý boıynsha Ulttyq keńes otyrysynda aıtyldy.
«Sóz júzinde aıtyp qana qoımaı, is júzinde jasaý qajet. Sizder ýádelerińizde turasyzdar nemese 1 qyrkúıekte taǵy bir márte Ulttyq keńes otyrysyn ótkizgende sizder qyzmetten ketesizder», - dedi A.Atambaev eldiń birinshi vıtse-premer-mınıstri Taıyrbek Sarpashevke.
Bıometrııalyq pasporttar saılaý júıesin jaqsartyp, qaıta daýys berýge tosqaýyl bolyp, jalǵan adamdardyń kelýin tirkeýge jol ashady.
