Qyrǵyzstan prezıdenti taǵyna 33 úmitker qaldy
ASTANA. 12 qyrkúıek. QazAqparat - Qyrǵyzstan prezıdenti taǵyna 33 úmitker qaldy. Bul jóninde «24.kg» AA-ǵa Qyrǵyz Respýblıkasy Saılaý jáne referendýmdar ótkizý jónindegi ortalyq komıssııasynyń apparatynda málimdedi.
Ortalyq saılaý komıssııasyna qol qoıý paraǵyn saılaýǵa qatysýǵa ótinish bergen 37 kandıdat (65 adamnyń ishinde) usynǵan bolatyn. Alaıda úmitkerlerdiń úsheýi - Erkin Bólekbaev, Zamırbek Parmanqulov jáne Mámbetjúnis Abylov - memlekettik til boıynsha emtıhan tapsyra almady. Odan Qýanychbek Apasov ta tys qaldy. Qyrǵyz Respýblıkasy OSK aqparaty boıynsha, ol talap etilgen 30 myńnyń ornyna 6 myń qol qoıylǵan qol qoıý paraǵyn tapsyrǵan. Sonymen qatar memlekettik til bilimin tekserýde súringen Seıtek Baıǵuttıev te saılaýǵa qatysa almaıtyn boldy.
Qalǵan 33 úmitkerdiń tek 26-sy ǵana tıisti saılaý aldy kepil aqshasyn aýdarǵan. Olardyń arasynda 11 adam búgingi kúni memlekettik til boıynsha emtıhannan ótti.
Ortalyq saılaý komıssııasy 24 qyrkúıekke deıin 100 myń som aýdarmaǵan úmitker saılaýǵa jiberilmeıtindigin qaıta eske salady. Sondaı-aq memlekettik til boıynsha emtıhan tapsyra almaǵandar da saılaýǵa qatysa almaıdy.
