Qyrǵyzstan Prezıdenti R.Otynbaeva parlamenttik saılaýdy 2010 jylǵy qazannyń 10-ynda ótkizý týraly jarlyqqa qol qoıady
ASTANA. Tamyzdyń 9-y. QazAqparat - Qyrǵyzstan Prezıdenti Roza Otynbaeva parlamenttik saılaýdy 2010 jylǵy qazannyń 10-ynda ótkizý týraly jarlyqqa qol qoıady, dep habarlady jýrnalısterge respýblıkadaǵy ýaqytsha úkimet baspasóz ortalyǵynyń jetekshisi Farıd Nııazov.
Onyń aıtýynsha, el prezıdenti jarlyǵynyń tıisti jobasy shyǵaryldy. Qujatqa búgin túnde qol qoıylýy kerek, dep atap ótti F.Nııazov.
F.Nııazovtyń sózine qaraǵanda, R.Otynbaevanyń dekreti boıynsha eldiń barlyq aýmaǵynda 2010 jylǵy tamyzdyń 10-ynan bastap tótenshe jaǵdaı alynyp, komendanttyq saǵat toqtatylady, dep habarlaıdy RBK agentti.
Eldiń jańa konstıtýtsııasyna sáıkes, saılaý naýqany kezinde ákimshilik resýrstardy qoldanbaý maqsatynda parlamenttik saılaýǵa qatysýshylardyń barlyǵy úkimettegi qyzmetterinen bas tartýlary qajet.
