Qyrǵyzstan prezıdenti Ózbekstanmen jekelegen shekara ýchaskeleri týraly kelisimge qol qoıdy
BІShKEK. Kabar - QazAqparat – Qyrǵyzstan Respýblıkasynyń Prezıdenti Sadyr Japarov «2022 jyldyń 3 qarashasynda Bishkekte qol qoıylǵan qyrǵyz-ózbek Memlekettik shekarasynyń jekelegen ýchaskeleri týraly Qyrǵyzstan Respýblıkasy men Ózbekstan Respýblıkasy arasyndaǵy kelisimdi ratıfıkatsııalaý týraly» Zańǵa qol qoıdy. QazAqparat bul týraly Kabar agenttigine silteme jasap habarlaıdy.
Zańdy Qyrǵyzstan Jogorký Keneshi bıylǵy 17 qarashada qabyldady.
«Atalǵan Zań 2022 jyldyń 3 qarashasynda Bishkekte qol qoıylǵan qyrǵyz-ózbek Memlekettik shekarasynyń jekelegen ýchaskeleri týraly kelisimdi ratıfıkatsııalaýdy usynady», - delingen aqparatta.
Máselen, 3 qarashadaǵy Kelisimge 302,29 km qashyqtyqty qamtıtyn qyrǵyz-ózbek Memlekettik shekarasynyń jekelegen ýchaskeleri engen.
