Qyrǵyzstan Prezıdenti men Jogorký Kenesh spıkeri qaýipsizdik pen tártipti qamtamasyz etý mindetterin talqylady
BІShKEK. 19 qańtar. QazAqparat /Arnur Rahymbekov/ - Qyrǵyz Respýblıkasynyń Prezıdenti Roza Otynbaeva Jogorký Kenesh tóraǵasy Ahmatbek Keldibekovty qabyldady.
Spıker kezdesý barysynda memleket basshysyn parlamenttiń jumysymen qysqasha tanystyryp ótti. Atap aıtqanda, Qyrǵyzstan mass-medııasynyń, úkimettik emes jáne qoǵamdyq uıymdardyń ókilderimen kezdesý ótip, onda ózara is-qımyldardyń ózekti máseleleri talqylanǵany atap ótildi.
Spıker sondaı-aq qazirgi ýaqytta parlament komıtetterinde eldiń respýblıkalyq bıýdjeti qaralyp jatqanyn da aıtty.
El Prezıdenti men Jogorký Kenesh spıkeri sondaı-aq Prezıdent Jarlyǵynyń negizinde Qyrǵyz Respýblıkasynyń Qorǵanys keńesin qurý máselesin, eldegi qaýipsizdikti jáne quqyq tártibin qamtamasyz etý mindetterin talqylady.
Prezıdent Roza Otynbaeva sonymen birge, Qyrǵyz Respýblıkasy parlamentiniń barlyq shaqyrylym spıkerleriniń Qoǵamdyq keńesin qurý týraly A.Keldibekovtyń bastamasyn maquldady.
