Qyrǵyzstan prezıdenti málimdeme jasady
BІShKEK. KABAR – QazAqparat – Qyrǵyz Respýblıkasynyń Prezıdenti Sooronbaı Jeenbekov búgin 6 qazanda eldegi saıası jaǵdaı týraly málimdeme jasady.
Bul týraly memleket basshysynyń aqparattyq saıasat bólimi málim etti, dep habarlaıdy QazAqparat KABAR agenttigine silteme jasap.
«Qurmetti otandastar!
Ótken túni keıbir saıası kúshter memlekettik bılikti zańsyz qolǵa almaq boldy. Olar saılaý qorytyndysyn sebep retinde paıdalanyp, qoǵamdyq tártipti buzdy. Olar qala turǵyndarynyń tynyshtyǵyn buzdy. Olar quqyq qorǵaýshylarǵa baǵynbaı, medıtsına qyzmetkerlerin soqqyǵa jyǵyp, ǵımarattarǵa nuqsan keltirdi. Men birde bir azamattyń ómirine qaýip tóndirmeý úshin kúsh qurylymdaryna oq jaýdyryp, qan tókkizbeýdi buıyrdym.
Ázirge biz jaǵdaıdy ýshyqtyrmaý úshin barlyq sharalardy qabyldadyq. Memleket tynyshtyǵy, qoǵam tynyshtyǵy kez kelgen depýtattyq mandattan baǵaly.
Men Ortalyq saılaý komıssııasyna zańbuzýshylyqtardy ábden tergep, qajettilik týyndasa, saılaý qorytyndysyn joıýdy usyndym.
Saıası partııalardyń kóshbasshylaryn óz jaqtastaryn tynyshtandyryp, olardy jınalǵan jerlerinen taratýǵa shaqyramyn. Men óz otandastarymdy beıbitshilikti saqtap, arandatýshy kúshterdiń úndeýine qulaq aspaýǵa shaqyramyn!. Bizdiń elimizdiń beıbitshiligi men qoǵamymyzdyń qaýipsizdigi – eń mańyzdy dúnıe. Men barlyq kúshterdi elimizdiń taǵdyryn saıası menmendikten joǵary qoıyp, quqyqtyq alańǵa oralýǵa shaqyramyn!»-delingen málimdeme.