Qyrǵyzstan Prezıdenti eldegi saıası kúshterdi aqylǵa kelýge shaqyrdy
BІShKEK. Kabar – QazAqparat – Qyrǵyzstan Prezıdenti Soorobaı Jeenbekov eldegi jaǵdaıdy baqylaýda ustap otyr. Bul týraly memleket basshysynyń baspasóz hatshysy Tolǵanaı Stamalıeva málim etti, dep habarlaıdy QazAqparat Qyrǵyzstannyń Kabar agenttigine silteme jasap.
Qyrǵyz Respýblıkasynyń prezıdenti Sooronbaı Jeenbekov jaǵdaıdy qadaǵalap, barlyq saıası kúshterdiń el múddesin óz múddesinen joǵary qoıyp, qoǵamnyń jikke bólinýine, el azamattaryn alańdatatyn basqa da máselelerdiń bolýyna jol bermeıtinine senim bildirdi.
Ol eldi zań aıasyndaǵy ómirge qaıtarý úshin bar kúshin salyp otyr. Birinshi kezekte, bul aldyńǵy kúnderi elde ótken parlamenttik saılaý qorytyndylaryna qatysty.
Qyrǵyz eliniń basshysy qalyptasqan jaǵdaıdy esepke ala otyryp, eldiń Ortalyq saılaý komıssııasyna zańbuzýshylyqtarmen baılanysty materıaldardyń barlyǵyn jan-jaqty zertteýge keńes berdi.
Ókinishke qaraı, qyrǵyzstandyqtar buǵan deıin eki halyq kóterilisin bastan ótkizgen jáne beıbit ómir men turaqtylyqtyń qunyn biledi. Sondyqtan Prezıdent Sooronbaı Jeenbekov aldaǵy ýaqytta elde beıbitshilik saltanat qurýy úshin bar kúshin salatyn bolady.
Memleket basshysy eldiń barlyq saıası kúshterin Qyrǵyzstan jáne onyń azamattaryn aqylǵa kelýge shaqyryp otyr. Qazirgi kezde prezıdent Bishkek qalasynda júr.
