Qyrǵyzstan prezıdenti el konstıtýtsııasyn ózgertý qajet dep sanaıdy
«Nebári bir aıdyń ishinde jazylǵan konstıtýtsııa jetilgen bola almaıdy. Bul konstıtýtsııada kóptegen kemshilikter bar jáne erte me, kesh pe birdeńeni ózgertý kerek. Eger biz sotymyzdyń jaqsy bolǵanyn qalasaq, konstıtýtsııamyzdy aýystyrýǵa týra keledi», - dedi ol 2014 jyldyń qorytyndysy boıynsha ótken baspasóz máslıhatynyń barysynda jýrnalısterdiń qoıǵan suraqtaryna jaýap bere otyryp, dep habarlady RIA Novostı.
Qyrǵyz eliniń prezıdenttiń málimetteri boıynsha, elde qazirdiń ózinde júrgizilip jatqan sot reformasy konstıtýtsııa aıasynda birqatar shekteýlerge tap bolýda.
«Joǵarǵy sottyń sheshiminiń sońǵy túıindi sheshim bolýy durys emes», - dedi Atambaev.
Osy eldegi 2010 jylǵy tóńkeristen keıin qabyldanǵan Qyrǵyzstannyń konstıtýtsııasynda ol 20 jyl boıy ózgertile almaıdy delingen.
«Qazirgi qoldanystaǵy konstıtýtsııanyń aıasynda sot reformasyn júrgizý óte qıyn bolady», - dep atap ótti A.Atambaev.
Ol eldiń ata zańyn reformalaýdy óziniń ókilettiligin uzartý úshin josparlamaıtynyn aıtty.
«2 jyl 9 aıdan keıin men jańa prezıdentke múlde basqa eldi tapsyramyn», - dedi ol.
Qyrǵyzstannyń konstıtýtsııasy boıynsha, bul elde prezıdent besjyldyq merzimge tek bir ret qana saılanady.
