Qyrǵyzstan prezıdenti birqatar laýazymdy basshylardy taǵaıyndady
ASTANA. Qazaqparat - Qyrǵyzstan prezıdenti birqatar taǵaıyndaýlar jasady, dep habarlaıdy «Kabar» aqparat agenttigi QR prezıdenti apparatynyń aqparattyq saıasat bólimine siltememen.
Sooronbaı Jeenbekov Mýkambetov Mýrat Kartaıbekovıchti Úkimet apparatynyń basshysy - QR mınıstri qyzmetine, sondaı-aq Aınur Abdyldaevany Ádilet mınıstri laýazymyna taǵaıyndaý týraly Jarlyqqa qol qoıdy.
Odan bólek, Djoldýbaeva Indıra Yrysbaevnany QR Bas prokýrory laýazymynan bosatý týraly Jarlyq shyǵardy.
Sondaı-aq, Sooronbaı Jeenbekov QR Birinshi vıtse-premer-mınıstri Shadıev Asqarbek Alımbaevıchtiń otstavkasyn qabyldaý týraly Jarlyqqa qol qoıdy.
