Qyrǵyzstan prezıdenti: Batken shekarasyndaǵy jaǵdaı –jeke baqylaýymda
BІShKEK.Kabar-QazAqparat – «Batken oblysyndaǵy shekaradaǵy jaǵdaı meniń jeke baqylaýymda», - dep málimdedi Qyrǵyz Respýblıkasynyń prezıdenti Sooronbaı Jeenbekov búgin Aqsaı aýylyndaǵy turǵyndarmen kezdesýde. Bul týraly Kabar agenttigi habarlady.
Qyrǵyzstan prezıdenti apparatynyń aqparattyq saıasat bóliminiń málimdeýinshe, S. Jeenbekov Tájikstannyń Isfara qalasyna barar jolda Aqsaı aýylyna túsip, onyń turǵyndarymen kezdesken.
«Qazir tájik tarapymen birlese qarastyrǵan sharalardyń arqasynda jaǵdaı turaqtaldy. Batken oblysyndaǵy shekaraǵa Іshki ister organdary men Memlekettik shekara qyzmetiniń qosymsha kúshteri jiberildi. Ózderińiz kórip otyrsyzdar, osy jumystar bizdiń ótkendegi kezdesýlerimizden keıin shuǵyl túrde iske asyryldy. Endi shekaradaǵy jaǵdaıdy baqylaý jónindegi patrýl jumysy turaqty túrde júrgiziledi. Shekara tolyǵymen bizdiń baqylaýymyzda bolady», - dedi Jeenbekov.
Qyrǵyzstan prezıdenti Aqsaı aýyly turǵyndarymen kezdeskennen keıin Tájikstan prezıdenti Emomalı Rahmonmen kezdesý úshin Tájikstannyń shekaradaǵy Isfara qalasyna attandy.
