Qyrǵyzstan prezıdenti avtorlyq ánderiniń dıskisin shyǵardy
ASTANA. QazAqparat - Qyrǵyzstan prezıdenti Almazbek Atambaev beısenbide óziniń avtorlyq ánderiniń mýzykalyq dıskisin shyǵardy, dep habarlady KırTAG memleket basshysynyń baspasóz qyzmetine silteme jasap.
«Kóptegen saýaldarǵa oraı, Qyrǵyzstan prezıdenti apparatynyń aqparattyq saıasat bólimi prezıdenttiń óz mereıtoıy qarsańynda jaqyndary men týystaryna syı retinde avtorlyq ánderiniń CD-dıskisin shyǵarǵanyn habarlady.
Orys tilinde 5 án jazylǵan. Dybys rejısseri Ernıst Ýmetalıev («Ekorekords» stýdııasy) maýsym aıynda prezıdent ofısinde jazba jumystarymen aınalysqan. Al aýdıojazba protsesine memleket basshysynyń 1 saǵat ýaqyty ketken. Tamyz aıynda eńbek demalysyna shyǵatyn prezıdent qyrǵyz tilinde 5 án jazýdy josparlap otyr.
Án jazba týraly estigen prezıdenttiń ejelgi tanysy, kınorejısser Fýrkat Týrsýnov eski keńestik fılmderden klıp jasaý týraly sheshim qabyldaǵan. Jáne aýdıojazbamen aınalysqan Ernıst Ýmetalıevtiń ótinishimen, prezıdent jas rejısser Mırlan Satqymbaevqa Qyrǵyzstan jastary týraly beınematerıal negizinde klıp jasaýǵa ruqsat berdi.
