Qyrǵyzstan prezıdenti Almazbek Atambaevty Alla jazalady
ASTANA. QazAqparat - Qazaqstan musylmandar odaǵy men Ortalyq Azııadaǵy Adam quqyqtary jónindegi musylmandyq komıtet Qyrǵyzstan respýblıkasynyń prezıdenti Atambaevqa hat joldap, tez saýyǵyp ketýin tiledi.
«Kútpegen syrqat týraly habar bizdi muńaıtty. Sizdiń jazylýyńyzdy tileımiz» - delingen Qazaqstan musylmandar odaǵy men Ortalyq Azııadaǵy Adam quqyqtary jónindegi musylmandyq komıtettiń joldaýynda (hatynda).
Sonymen qatar, qazaqstandyq musylmandar qyrǵyz prezıdentiniń 60 jyldyǵyn dúrkiretip toılamaý jónindegi keńeske qulaq aspaǵanyna ókinish bildirdi. Olar lıderdiń qazirgi syrqaty Allanyń jazasy ekenine senimdi.
«Qudaı aldyndaǵy kináńdi óteý úshin týǵan aýylyńda qaıyrymdylyq asyn berip, qorǵansyz azamattarǵa qoldaý kórset. Bul Qudaıdyń qaıyrymdylyǵyn qaıtaryp, shıpasyn beredi, - degen keńes berdi ózderiniń hatynda Qazaqstan musylmandar odaǵynyń basshysy Telibekov.
