Qyrǵyzstan Prezıdenti AQSh Memlekettik departamentiniń «Erligi úshin» halyqaralyq syılyǵyn aldy
ASTANA. 9 naýryz. QazAqparat - Qyrǵyz Prezıdenti Roza Otynbaeva AQSh Memlekettik departamenti taǵaıyndaǵan «Erligi úshin» memlekettik syılyǵymen marapattaldy.
"Bul nagrada áleýmettik ádilettik jáne adam quqyqtaryn saqtaý jolyndaǵy kúreste kórsetilgen erlikteri jáne kóshbasshylyq qasıetteri úshin tanymal áıelderge beriledi", - dep habarlady «RIA «Novostı» agenttigi.
Sheteldik basylymdardyń habarlaýynsha, qyrǵyz prezıdentine nagradany AQSh Memlekettik hatshysy Hılları Klınton tabys etti. Saltanatty rásimge AQSh-tyń birinshi hanymy Mıshel Obama qatysty.
Aıta ketý kerek, 2010 jyly osy nagradamen marapattalǵan ózbektiń tanymal quqyq qorǵaýshysy Mýtabar Tájibaeva Qyrǵyzstan Prezıdenttiniń marapattalýyna narazylyq bildirip, óz syılyǵyn AQSh ókimetine qaıtaryp berý týraly sheshim qabyldady. Quqyq qorǵaýshynyń aıtýynsha, 2010 jyldyń maýsym aıynda Qyrǵyzstannyń ońtústiginde bolǵan ultaralyq qandy qaqtyǵys úshin jaýapkershilik memleket basshysy retinde Otynbaevanyń moınyna júkteledi.
