Qyrǵyzstan prezıdenti A.Atambaev meshit salýǵa Bishkektegi óziniń jer ýchaskesin berdi

BІShKEK. QazAqparat - Bishkek qalasynda Qyrǵyzstan Prezıdenti Almazbek Atambaevtyń bastamasymen «7 sáýir sheıitteri» meshitiniń qurylysy bastaldy. Bul týraly Qyrǵyz Respýblıkasy Prezıdenti ákimshiliginiń baspasóz qyzmetinen habarlady.

Atalǵan meshit Qyrǵyzstan Respýblıkasynda 2010 jyldyń sáýir aıynda bolǵan oqıǵalar kezinde qaza tapqan azamattardyń qurmetine salynbaq. El Prezıdenti A.Atambaev ol úshin 90-shy jyldary jeke menshigine berilgen astananyń 7-shi shaǵynaýdanynda ornalasqan jer ýchaskesin berdi.

Qyrǵyzstan prezıdentiniń qatysýymen ótken meshit qurylysyn bastaý rásiminen keıin 2010 jylǵy Sáýir halyq tóńkerisinde qaza tapqandar men onyń qatysýshylaryn biriktiretin qoǵamdyq uıymdardyń ókilderimen kezdesý ótti.