Qyrǵyzstan prezıdenti 23 tamyzdy Aza tutý kúni dep jarııalady
BІShKEK. KABAR-QazAqparat – Qyrǵyzstan prezıdenti Sadyr Japarov Reseı Federatsııasynyń Ýlıanov oblysynda jol-kólik oqıǵasy saldarynan qyrǵyz azamattarynyń qaıtys bolýyna baılanysty úndeý jasady, dep habarlaıdy QazAqparat Kabar agenttigine silteme jasap.
«Qurmetti qyrǵyzstandyqtar! Reseı Federatsııasynyń Ýlıanov oblysynda bolǵan oqıǵa árqaısymyz úshin qıyn jaǵdaı! Orny tolmas osy bir qaıǵy barlyǵymyzdyń júregimizge aýyr jara saldy.
Biz otandastarymyzdyń jol-kólik oqıǵasyna tap bolǵany týraly habardy zor kúızelispen qabyldadyq.
Qaza bolǵandardyń týystarynyń qaıǵysyn túsinemin jáne bólisýge daıynmyn, olarǵa qazir óte qıyn. Mundaıda jubatatyn sóz tabý qıyn. Men apattan qaıtys bolǵandar men zardap shekkenderdiń týystary men jaqyndaryna qaıǵyryp kóńil aıtamyn. Alla sizderge kúsh-qýat, tózim bersin!.
Qasıetti Quranda: «Alla sabyrlylardy jaqsy kóredi», - delingen. Sabyrly bolyńyzdar, qurmetti otandastar!
Apat saldarynan qaza tapqandar men zardap shekkenderdiń týystary men jaqyndaryna mindetti túrde kómek kórsetiledi. Bul másele meniń jeke baqylaýymda bolady.
Qymbatty otandastar, bul qaıǵy – búkil halqymyz úshin úlken qasiret. Osyǵan baılanysty 23 tamyzdy Qyrǵyz Respýblıkasynyń aýmaǵynda jalpyǵa ortaq Aza tutý kúni dep jarııalaımyn», - delingen prezdıenttiń úndeýinde.
Foto: kabar.kg
