Qyrǵyzstan premeri: eger ózine tıimdi bolsa, el Keden odaǵyna qosylady
STANA. Aqpannyń 25-i. QazAqparat - Eger ózine tıimdi bolsa, Qyrǵyzstan Qazaqstan, Belarýs jáne Reseı elderiniń Kedendik odaǵyna qosylady.
Bul týraly Qyrǵyzstannyń premer-mınıstri Danııar Úsenov búgin baspasóz máslıhatynda málim etti, dep habarlady RBK agenttigi.
Onyń aıtýynsha, Qyrǵyzstannyń, Keden odaǵy elderinen aıyrmashylyǵy sol, ol Dúnıejúzilik saýda uıymyna kiredi, biraq bul oǵan Keden odaǵyna kirýge kedergi bolmaıdy. «DSU jarǵysy boıynsha, biz aımaqtyq uıymdarǵa qatysa alamyz», dep atap kórsetti premer.
Qazirgi tańda Qyrǵyzstannyń mamandary eldiń Kedendik odaqqa qosylýynan qanshalyqty paıda keletinin eseptep jatyr, sebebi birqatar kedendik tarıfter boıynsha Keden odaǵyna qatysýshy elderdiń stavkalary joǵaryraq, deıdi qyrǵyz premeri.
