Qyrǵyzstan Premer-Mınıstriniń mindetin atqarýshysy taǵaıyndaldy
ASTANA. QazAqparat - Sársenbi, 26 naýryz Qyrǵyzstan Prezıdenti Almazbaek Atambaev eldiń Premer-Mınıstri mindetin atqarýshy qyzmetine Jomart Otarbaevty taǵaıyndady. Ol osyǵan deıin úkimet basshysynyń birinshi orynbasary bolǵan.
25 naýryz kúni otstavkaǵa ketý týraly ótinish bildirgen Jantóre Satybaldıev Prezıdenttiń Jarlyǵymen Premer-Mınıstrdiń mindetin atqarýshy qyzmetinen bosatyldy.
Eske sala keteıik, QR Parlamentinde basqarýshy «Yrys aldy-yntymaq» depýtattyq fraktsııasynyń ydyraýynan keıin jańa koalıtsııany qurý boıynsha kelissózder júrgizilip jatyr. Odaqty qurýǵa mandatty QSDP fraktsııasynyń prezıdenti usynǵan.
