Qyrǵyzstan premer-mınıstri otstavkaǵa ketýge ótinish bildirdi
ASTANA. QazAqparat - Qyrǵyzstan premer-mınıstri Temir Sarıev otstavkaǵa ketýge ótinish bildirdi. Bul týraly ol dúısenbide mınıstrler kabınetiniń kezekten tys otyrysy ýaqytynda málimdedi, dep habarlady TASS.
«Úkimet qabyldaǵan barlyq sharalar zańdy, memleket múddesine jaýap beredi», - dep atap ótti ol.
Onyń aıtýynsha, Bishkek-Korýmdý jolyna qatysty tender boıynsha depýtattyq komıssııa otyrysy jabyq túrde ótti jáne ol shyǵarǵan sheshim «ádil emes» bolyp tabylady. «Men eshqashan artqa sheginbeımin, bul meniń bolmysyma tán emes. Jumysymnan ketýge ázirmin, biraq adal jumys istep, las saıası oıyndarǵa qatyspaǵanymdy, eshýaqytta bulaı jasamaıtynymdy aıaǵyna deıin dáleldeımin. Men úshin memleket múddesi bárinen joǵary, bul qaǵıdattan esh ýaqytta aınymaımyn jáne dálelsiz aıyptardy ispen teriske shyǵarýǵa ázirmin», - dep atap ótti Sarıev.
Tımýr Sarıev saıasatta qalýǵa nıetti. «Men saıasatta qalamyn. Alda josparlar jáne olardy iske asyrýǵa baılanysty jumystar kóp. Qazir eldiń barlyq údemeli kúshi tek qana alǵa qaraýy tıis», - dedi ol. Onyń aıtýynsha, Sarıevtiń jumystan ketýge sheshim qabyldaýyna mınıstrler kabıneti aınalasynda qalyptasqan «ashyqtan-ashyq jalǵan jáne saıası oıyn» sebep bolǵan.
