Qyrǵyzstan Premer-Mınıstri Qytaı arqyly memlekettik shekarany buzyp kirgen topty joıýǵa tapsyrma berdi
ASTANA. 23 qańtar. QazAqparat - Qyrǵyzstan Premer-Mınıstri eldiń kúsh-qýat qurylymdaryna Qytaı arqyly memlekettik shekarany buzyp kirgen topty joıýǵa tapsyrma berdi, dep habarlady «24.kg» aqparat agenttigi.
Olardyń málimetinshe, Jantoro Satybaldıev «Aq-Shyıraq» shekara ýchaskesinde oryn alǵan ahýalmen tolyq tanys jáne kúsh-qýat blogyna jaýapty vıtse-premer Tokan Mamytovqa jaǵdaıdyń ýshyǵyp ketýine jol bermeýge ári qyrǵyz shekarashylaryna oq atqan belgisiz toptyń kózin joıýǵa tapsyrǵan.
Aldyn ala málimetter boıynsha búgin úkimet atalǵan oqıǵaǵa qatysty jedel jıyn ótkizedi.
Esterińizge sala keteıik, QR Memlekettik shekara qyzmetiniń málimetterine qaraǵanda, búgin Ystyqkól ýchaskesinde Qyrǵyzstannyń shekara jasaǵy men belgisiz adamdar arasynda qarýly qaqtyǵys boldy. Keıbir derekterge qaraǵanda, shabýyldaýshylar ańshy sharýashylyǵynyń jumysshysyn óltirip, onyń qarýyn alǵan. Oqıǵa ornynan jetken shekarashylar men top arasyndaǵy qaqtyǵys kezinde 2 quqyq buzýshy mert boldy. Al qalǵandary qorshaýda qalyp otyr.
