Qyrǵyzstan pııaz eksportyna salynǵan tyıymdy alyp tastady

BІShKEK. Kabar – QazAqparat – Qyrǵyzstannyń aýyl sharýashylyǵy mınıstrligi pııazdy elden shyǵarýǵa qoıylǵan tyıymdy alyp tastady, dep habarlaıdy QazAqparat Kabar agenttigine silteme jasap.

Mekeme málimeti boıynsha, 3 naýryzynan bastap pııazdy Qyrǵyzstannan shyǵarýǵa qoıylǵan ýaqytsha shekteý alynyp tastaldy.

Esterińizge sala keteıik, tyıym 2023 jyldyń 31 qańtarynan bastap úsh aı merzimge engizilgen bolatyn.

Al aqpannyń sońynda elden pııaz áketýge salynǵan tyıymdy alyp tastaý usynylyp, joba qoǵamdyq talqylaýǵa shyǵaryldy.

Qujatqa sáıkes, búgingi tańda Qyrǵyzstan sharýalarynda 50 myń tonna pııaz qory bar, al halyq qajettiligi aıyna 6 myń tonna.

Moratorııdi alyp tastaý úshin, azyq-túlik qaýipsizdigin qamtamasyz etý talaptaryna sáıkes, elde osy azyq-túliktiń toqsan kúndik qory bolýy tıis ekeni habarlanǵan.