Qyrǵyzstan parlamentiniń jańa basshysy saılandy
ASTANA. QazAqparat - Qyrǵyz Respýblıkasynyń Jogorký Kenesh depýtattary jańa spıkerdi saılady. Berilgen daýystardyń qorytyndysy boıynsha «Qyrǵyzstan» fraktsııasynan shyqqan kandıdat Dastan Jumabekov parlament spıkeri boldy, dep habarlaıdy QazAqparat «Knews» agenttigine silteme jasap.
Spıker laýazymyna D. Jumabekovpen talasqan ekinshi kandıdat «Onýgýý - Progress» fraktsııasynyń múddesin qorǵaıtyn I. Masalıev boldy. Saılaýda Jumabekovke - 80, Masalıevke 32 depýtat daýys berdi, 5 depýtat ekeýiniń de kandıdatýrasyna qarsy boldy.
Eske sala ketsek, 25 qazanda Qyrǵyz Respýblıkasy Jogorký Kenesh spıkeri Chynybaı Tursynbekov otstavkaǵa ketti . Ol bul laýazymǵa 2016 jyldyń sáýirinde saılanǵan bolatyn.
