Qyrǵyzstan Parlamentiniń tóraǵasy ókilettiligin óz erkimen toqtatty
BIShKEK. 13 jeltoqsan. QazAqparat /Arnur Rahymbekov/ - Dúısenbi kúni keshke qaraı Qyrǵyzstan Jogorký Keneshi ulttyq parlamentiniń tóraǵasy Ahmatbek Keldibekov ókilettiligin óz erkimen toqtatý jóninde sheshim qabyldady.
12 jeltoqsan kúni bolǵan Parlamenttiń kezekten tys otyrysynda depýtattar «A.Keldibekovtyń Qyrǵyz Respýblıkasynyń Jogorký Kenesh Tóraǵasy retindegi laýazymyn baǵalaý týraly» depýtattyq komıssııanyń qorytyndysyn zertteýdi eleýsiz dálelder men A.Keldibekovtyń óz erkimen qyzmetten ketý sebebimen qarastyrmaý jóninde sheshim qabyldady.
Buǵan deıin Qyrǵyzstannyń bes partııasynyń biri «Atamekenniń» depýtattary A.Keldibekovtyń óz laýazymynda qyzmettik ókilettigin teris paıdalanýy boıynsha birqatar máseleler kótergen edi. Nátıjesinde atalǵan aıyptaýlardy qarastyratyn arnaıy komıssııa qurý sheshimi qabyldandy. Komıssııa quramyna árbir bes fraktsııanyń bir ókili kirdi: Qurmantaı Ábdıev, Qanybek Imanalıev, Kenjebek Boqoev, Raıqan Toloǵonov, Erkingúl Imanqojaeva. Komıssııanyń tóraǵasy Qanybek Imanalıev bolyp taǵaıyndaldy.
Parlament tóraǵasy qyzmetin zertteýden keıin Jogorký Kenesh depýtattary Q.Imanalıev pen Q.Ábdıev atqarylǵan jumystyń nátıjesin baıandady jáne Parlament tóraǵasynyń ózi aıyptaýlardyń barlyq pýnktteri boıynsha túsinikteme berdi. Osyǵan oraı depýtattyq komıssııa músheleriniń pikirleri eki jarylyp ketti.
Qyrǵyz parlamentindegi belsendi jaryssózderdiń barysynda komıssııa músheleri men Parlament tóraǵasy A.Keldibekovke birneshe suraqtar qoıyldy. Nátıjesinde, fraktsııa kóshbasshylarymen keńesken soń Parlament depýtattary Jogorký Kenesh Tóraǵasy A.Keldibekovtyń mardymsyz dálelder men óz erkimen qyzmetten ketý sebebimen Komıssııa qorytyndylaryn qarastyrmaý týraly sheshim qabyldady.
Jogorký Kenesh Tóraǵasy Ahmatbek Keldibekov resmı málimdeme jasap, onda ol «tarıhı oqıǵalardan keıin Qyrǵyzstan halqy basshylyqtan saıası turaqtylyqty, qyrǵyzstandyqtar ómiriniń deńgeıin jaqsartý maqsatynda ekonomıkalyq jáne áleýmettik damýdy talap etýge qaqyly» dep atap ótti.
