Qyrǵyzstan parlamentiniń eks-spıkeri koronavırýstan qaıtys boldy
BІShKEK. QazAqparat - Búgin Bishkektegi klınıkalyq ınfektsııalyq aýrýhanada Jogorký Keneshtiń eks-spıkeri, qoǵam qaıratkeri Mýkar Cholponbaev qaıtys boldy. Ol koronavırýstan emdelip jatqan bolatyn, dep habarlaıdy QazAqparat Kabar agenttigine silteme jasap.
«Koronavırýstan emdelý kezinde onyń jaǵdaıy nasharlap, aýrýy asqynyp ketti. Ekijaqty pnevmonııa, tynys alý jetispeýshiligi sııaqty asqynýlar paıda boldy. Onyń budan bólek júrek, búırek jáne býyn aýrýlary bar edi. Onyń jasy 70-te bolatyn» delingen habarlamada.
Cholponbaev aýrýhanaǵa 5 mamyrda túsken. Jaǵdaıy kúrt nasharlaǵan soń 12 mamyrda jansaqtaý bólimine aýystyrylǵan. Búgin saǵat 12:10-da júrgizilgen reanımatsııalyq sharalarǵa qaramastan ol koronavırýstan kóz jumdy.
Respýblıkalyq shtab marqumnyń jaqyndary men týystaryna kóńil aıtty.
Jalpy, Qyrǵyzstanda koronavırýstan 15 adam qaıtys bolǵan.
Búgin 24 mamyrda elde 38 adam indet juqtyrǵan. Barlyq naýqastar sany - 1403, jazylǵandar - 980. 275 medıtsına qyzmetkeri aýrýǵa shaldyqqan.
