Qyrǵyzstan parlamentine bes partııa ótedi - saılaýdyń aldyn ala qorytyndysy
BІShKEK. Qazannyń 11-i. QazAqparat /Arnur Rahymbekov/ - Qyrǵyzstanda Jogorký Keneshke ulttyq saılaý ótkenin QazAqparat buǵan deıin habarlaǵan bolatyn.
Sarapshylardyń aıtýynsha, daýys berýge saılaýshylardyń 56 paıyzy qatysty.
Qyrǵyzstan azamattary úshin barlyǵy 2 myńnan astam saılaý ýchaskesi uıymdastyryldy, Qazaqstannyń Astana jáne Almaty qalalarynda da eki ýchaske uıymdastyryldy. Saılaýdyń barysyn sheteldik jáne jergilikti baıqaýshylar baqylady, olardyń qatarynda túrli mıssııalar boıynsha kelgen Qazaqstannyń elý azamaty bar. Baıqaýshylardyń kópshiligi daýys berý úderisine oń baǵa berip otyr.
Bıýlletenderdiń 85 paıyzyn esepteýdiń qorytyndysy boıynsha, 8,52 paıyz daýyspen «Ata jurt» partııasy alda keledi. Ekinshi orynda 7,97 paıyz daýyspen - Qyrǵyzstannyń Sotsıal-demokratııalyq partııasy tursa, úshinshi oryndy «Respýblıka» jáne «Ar-Namys» partııalary bólisip otyr. Olardan keıin «Atameken» partııasy keledi.
Osylaısha, atalǵan bes partııa parlamentke ótýdiń bes paıyzdyq mejesinen óte aldy. Qalǵan birlestikterdiń jaǵdaıdy ózgertýge múmkindikteri azdaý.
