Qyrǵyzstan parlamentinde koalıtsııanyń taǵdyry sheshilýde
BІShKEK. 11 naýryz. QazAqparat /Arnur Rahymbekov/ - Dál qazir Qyrǵyzstan Jogorký Keneshinde parlamenttik kópshilik koalıtsııasynyń keńesi ótip jatyr.
Spıker Ahmatbek Keldibekovtyń tóraǵalyǵymen ótip jatqan búgingi otyrystyń basynda quramyna úsh depýtattyq fraktsııa: «Qyrǵyzstannyń Áleýmettik-demokratııalyq partııasy», «Ata jurt» jáne «Respýblıka» partııalary kiretin parlamenttik kópshilik koalıtsııasynyń keńesin ótkizý týraly biraýyzdan sheshim qabyldandy.
Qyrǵyzstan depýtattarynyń aıtýynsha, dál qazirgi tańda Jogorký Keneshtegi koalıtsııalyq kópshiliktiń keleshek taǵdyryna qatysty birqatar máseleler týyndap otyr. Bir top depýtat keńes ótkizip, osy máselelerdi talqylaý qajettigin atap kórsetti.
