Qyrǵyzstan Parlamenti jańa úkimetin saılady
BІShKEK. QazAqparat - Beısenbi, 3 sáýirde, Qyrǵyzstannyń Jogoroký keneshiniń plenarlyq otyrysynda depýtattar Joomart Otorbaevty eldiń Premer-Mınıstri laýazymyna jáne úkimettiń jańartylǵan quramyn saılaýǵa daýys berdi.
Eske sala keteıik, 31 naýryzda parlamenttiń úsh fraktsııasy QÁDP, «Ar-Namys» jáne «Ata Meken» «Memlekettilikti nyǵaıtý úshin» ataýymen jańa parlamenttik kópshilik koalıtsııasyn qurý týraly kelisimge qol qoıdy. Koalıtsııadan Úkimet basshysy laýazymyna úmitker retinde Premer-Mınıstrdiń mindetin atqarýshy bolyp kelgen Joomart Otorbaevtyń kandıdatýrasy usynyldy.
Ekinshi sáýirde Qyrǵyz Respýblıkasynyń Jogoroký Keneshiniń adam quqyǵy, konstıtýtsııalyq zańnama jáne memlekettik ornyǵý komıteti úkimettiń baǵdarlamasyn, qurylymyn jáne eldiń Premer-Mınıstri oryntaǵyna J. Otorbaevtyń kandıdatýrasyn maquldady.
