Qyrǵyzstan Parlamenti spıkerlikke usynylǵan Ó.Tekebaevtyń kandıdatýrasyn qabyldaǵan joq
BІShKEK. 3 jeltoqsan. QazAqparat /Arnur Rahymbekov/ - Qyrǵyzstan Jogorký Kenesh depýtattarynyń 2 jeltoqsan kúni ótkizgen ekinshi májilisteri túnniń bir ýaǵyna deıin jalǵasty.
Sotsıal-demokratııalyq partııadan, «Respýblıka» jáne «Atameken» partııalarynan jasaqtalǵan koalıtsııa parlament spıkerligine «Atameken» partııasynyń jetekshisi Ómirbek Tekebaevtyń kandıdatýrasyn usyndy.
Barlyq 120 depýtattyń tek 58 ǵana onyń kandıdatýrasyn qoldap daýys berse, 59 adam qarsy boldy. Al spıkerlikke saılaný úshin kandıdatqa 61 daýys kerek edi. Osyǵan baılanysty, úshjaqty koalıtsııa basqa varıanttardy talqylaý úshin óz ishinde keńes ótkizedi. Jogorký Keneshtiń ýaqytsha spıkeri Tashpolot Baltabaevtyń aıtýynsha, spıkerlikke basqa kandıdatýra usynylýy kerek.
Jańa shaqyrylǵan Jogorký Keneshtiń otyrysy búgin, 3 jeltoqsan kúni jalǵasady.
