Qyrǵyzstan parlamenti maýsym aıynda bolǵan oqıǵalardy tergeý jónindegi halyqaralyq komıssııa tóraǵasyna elge kirýge tıym saldy
BІShKEK. 27 mamyr. QazAqparat /Arnur Rahymbekov/ - Beısenbi kúni Qyrǵyzstan Joǵarǵy keńesi óz otyrysynda respýblıkanyń ońtústiginde bolǵan oqıǵalardy tergeý jónindegi halyqaralyq táýelsiz komıssııa tóraǵasy Kımmo Kılıýnenge Qyrǵyzstan aýmaǵyna kirýge tıym salatyn qaýly qabyldady.
Joǵarǵy keńestiń qaýlysynda halyqaralyq táýelsiz komıssııanyń esebi Qyrǵyzstanyń ishki zańnamasynda da, halyqaralyq quqyq júıesinde de zańdyq kúshi joq qujat dep moıyndaldy.
Onymen qosa, etnıkaralyq shıelenisti tergeý jónindegi esep: «Shynaıy emes, birjaqty, beıbitshilik pen turaqtylyqty saqtaýǵa, jańa shıelenisti eskertýge, Qyrǵyz Respýblıkasynyń barlyq turǵyndary úshin beıbit bolashaqtyń damýyna sebepshi bola almaıtyn, kerisinshe óshpendilikti oıatyp, Qyrǵyz Respýblıkasy ulttyq qaýipsizdigine jańa qaýip tóndiretin» qujat retinde moıyndaldy.
