Qyrǵyzstan Parlamenti konstıtýtsııalyq referendým týraly zań jobasyn maquldady
BІShKEK. QazAqparat - Búgin Qyrǵyzstan Parlamenti «QR Konstıtýtsııasyna ózgerister engizý týraly» zań jobasy boıynsha referendýmdy taǵaıyndaý týraly zań jobasyn maquldady, dep habarlady Bishkekten «QazAqparat» HAA menshikti tilshisi.
QR Jogorký Keneshi úshinshi oqylymda konstıtýtsııalyq referendýmdy taǵaıyndaý týraly zań jobasyn maquldady. Parlamentte de, odan tys jerde de birshama daýlar týǵyzǵan zań jobasyn qoldap 89 adam daýys berse, 16 adam qarsy boldy. Qujat referendým júrgizý arqyly Qyrǵyz Respýblıkasynyń Konstıtýtsııasyna ózgerister engizýge qatysty máseleler boıynsha halyqtyń pikirin anyqtaýǵa jiberildi. Zańda Konstıtýtsııaǵa ózgerister engizý boıynsha referendým ótkizý kúni bekitildi - jergilikti keneshte saılaý ótetin kún - 11 jeltoqsan.
