Qyrǵyzstan Parlamenti búgin premer men mınıstrler kabınetin saılaıdy
ASTANA. QazAqparat - Qyrǵyzstan Parlamenti búgin eldiń 29 mınıstrin saılaıdy. Osyndaı sheshim Qyrǵyzstan Respýblıkasy Parlamentiniń otyrysynda qabyldandy, dep jazady KırTAG.
Parlament otyrysynda Torobaı Zúlpúqarov koalıtsııa fraktsııasy Sooronbaı Jeenbekovti úkimet basshylyǵyna taǵaıyndaý máselesin qarastyrǵanyn, koalıtsııa onyń kandıdatýrasyn qoldaǵanyn aıtty.
«Koalıtsııa fraktsııasy Sooronbaı Jeenbekovti úkimet basshylyǵyna taǵaıyndaý máselesin qarastyrdy, koalıtsııa onyń kandıdatýrasyn qoldady. Búgin profıldi komıtet onyń kandıdatýrasyn talqylaıdy. Sodan keıin premerdi saılaýǵa kirisýdi usynamyn», - dedi QSDP fraktsııasynyń depýtaty Torobaı Zúlpúqarov.
Depýtattar onyń usynysyn biraýyzdan qoldady.
Palata QR Premer-mınıstrin saılaýǵa tústen keıin kirisedi.
Eske sala keteıik, aptanyń basynda Temir Sarıev Balyqshy-Korýmdý kúre joly qurylysynyń tenderine qatysty bolǵan janjalǵa baılanysty mınıstrler kabıneti basshysynyń ókilettiginen óz erkimen bas tartty.
