Qyrǵyzstan pandemııaǵa qaramastan, barlyq elder úshin áýe keńistigin ashty

NUR-SULTAN. QazAqparat - Qyrǵyzstan koronavırýs pandemııasyna qaramastan, álemniń barlyq elderiniń azamattaryna memleketke kelýine ruqsat berdi, dep habarlaıdy QazAqparat.

Qyrǵyzstannyń Syrtqy ister mınıstrligi sheteldikter jáne azamattyǵy joq adamdar turaqty áýe qatynasymen elge kele alatyndyǵyn habarlady. Biraq avıajolaýshylarda ushyp-qoný ýaqytynan 72 saǵat aspaıtyn ýaqytta júrgizilgen koronavırýsqa PTR-synamanyń teris nátıjesi týraly anyqtama bolýy kerek.

Sonymen qatar, Qyrǵyzstanǵa kelgennen keıin sanıtarlyq-karantındik pýnktterdiń qyzmetkerleri de test nátıjelerin tekseredi. Eger anyqtama merzimi ushý uzaqtyǵyna nemese reıstiń keshigýine baılanysty ótip ketse, shetel azamattary men azamattyǵy joq adamdar kelgen jeri boıynsha taǵy bir ret PTR-synaǵynan ótýge mindettelinedi.