Qyrǵyzstan Ózbekstanǵa Ystyqkóldegi 4 pansıonatty ýaqytsha paıdalanýǵa berdi
ASTANA. QazAqparat - Qyrǵyzstan Ózbekstanǵa Ystyqkól oblysyndaǵy 4 pansıonat ornalasqan jer ýchaskelerin ýaqytsha paıdalanýǵa berý týraly sheshim qabyldady.
Mundaı qaýlyǵa Qyrǵyzstannyń premer-mınıstri Sapar Isakov qol qoıdy, dep habarlaıdy kabar.kg .
Qyrǵyzstan úkimeti apparatynyń BAQ jáne qoǵammen baılanys bólimi málim etkendeı, mundaı sheshim Qyrǵyzstan men Ózbekstan arasyndaǵy 1994 jyldyń 24 jeltoqsanynda qol qoıylǵan Máńgilik dostyq týraly kelisimge sáıkes qabyldanǵan.
Atap ótken jón, sheshimge sáıkes Qyrǵyz Respýblıkasy Ystyqkól oblysynyń aýmaǵynda ornalasqan mynadaı ǵımarattar men qurylystarǵa Ózbekstan Respýblıkasynyń menshik quqyǵyn rásimdeý tártibi belgilenip jatyr:
- «Bosterı» pansıonaty (Bosterı aýyly, burynǵy «Altyn qum»);
- «Altyn-Jaı» pansıonaty (Kara-Oı aýyly, burynǵy «Rohat-NBÝ»);
- «Enesaı» pansıonaty, (Kara-Oı aýyly, burynǵy «Dılorom»);
- «Býston» pansıonaty, (Kýn-Chygysh aıyldyq aımaǵy Tonsk aýdany).
Sondaı-aq, atalmysh nysandarǵa bekitilgen jer ýchaskeleri Qyrǵyzstannyń menshiginde qalady jáne ýaqytsha paıdalanýǵa beriledi.
