Qyrǵyzstan OSK Konstıtýtsııaǵa túzetý engizý boıynsha referendým uıymdastyrýǵa ázirlenýde
ASTANA. QazAqparat - Búgin Qyrǵyzstannyń saılaý jáne referendým ótkizý jónindegi ortalyq komıssııasynyń tóraıymy Nurjan Shaıldabekova OSK Konstıtýtsııaǵa túzetý engizý boıynsha referendým uıymdastyrýǵa ázirlenip jatqandyǵyn málimdedi.
Bul týraly KırTAG habarlady.
«87 depýtat «Konstıtýtsııaǵa ózgerister engizý týraly» referendým ótkizý týraly zań jobasyn qoǵamdyq talqylaýǵa shyǵardy. Bul bizdi osy úrdiske uıymdasqan túrde ázirlenýge májbúrleıdi», - dedi N.Shaıldabekova.
Atap ótsek, búgin OSK daýys berý avtomatty túrde esepteletin 2 myń saılaý jáshikterin satyp alýǵa tender jarııalady, sondaı-aq bul tender zań talaptarynyń oryndalýyna baǵyttaldy.
