Qyrǵyzstan oppozıtsııasy ýaqytsha úkimet jasaqtady
BІShKEK. Sáýirdiń 8-i. QazAqparat /Evgenıı Novıkov/ - Búgin Bishkekte Roza Otynbaevanyń jetekshiligimen halyq seniminiń ýaqytsha úkimeti jasaqtaldy.
Jogorký Keneshte ótken baspasóz máslıhatynda málim etilgendeı, R.Otynbaevanyń orynbasarlary bolyp taǵaıyndalǵan Almazbek Atambaev - ekonomıkalyq blokqa, Temir Sarıev - qarjy jáne nesıege, Ómirbek Tekebaev - konstıtýtsııalyq ózgertýlerge, Ázimbek Beknazarov - prokýratýra men sotqa, Ismaıl Isaqov - kúsh-qýat qurylymdaryna jaýap beredi.
Keshe, sáýirdiń 7-sinen 8-ine qaraǵan túni Bolotbek Shernııazovty Qyrǵyzstannyń - ishki ister mınıstri, Keneshbek Dýsheıbaevty - Memlekettik ulttyq qaýipsizdik qyzmetiniń basshysy, Týrat Madylbaevty Bishkek qalasy Іshki ister Bas basqarmasynyń bastyǵy etip taǵaıyndaý týraly sheshim qabyldanǵan bolatyn.
