Qyrǵyzstan oppozıtsııalyq partııasynyń kóshbasshylary túrli merzimge bas bostandyqtarynan aıyryldy
BІShKEK. 30 naýryz. QazAqparat - Juma kúni Bishkek qalasynyń Pervomaıskıı aýdandyq soty belgili oppozıtsııa qaıratkerleri,
«Ata-Jurt» fraktsııasynan QR Jogorký Keneshiniń depýtattary Qamshybek Táshıevti jáne Sadyr Japarovty - bir jarym jylǵa, Talant Mamytovty bir jylǵa bas bostandyqtarynan aıyrýǵa úkim etti. Partııa kóshbasshysy Q.Táshıev QR QK 295-baby («Bılikti kúshpen basyp alý jáne bılikti kúshpen ustap turý») jáne basqa da baptar boıynsha kináli dep tanyldy.
Eske salaıyq, parlamenttiń úsh depýtatyna jáne olardyń birneshe sybaılasyna qatysty qylmystyq is 2012 jyldyń 3 qazanyndaǵy oqıǵadan keıin qozǵaldy. Sol kúni Bishkekte mıtıng aıaqtalysymen Q.Táshıev «Ata-Jurttyń» jaqtastar tobymen «Aq úıdiń» (onda QR prezıdentiniń jáne parlamentiniń apparaty ornalasqan) qorshaýynan sekirip tústi. Tártip saqshylaryna quqyqbuzýshylardy tarqatý múmkin boldy, al Q.Táshıev, S.Japarov jáne T.Mamytov tutqyndalyp, Memlekettik ulttyq qaýipsizdik komıtetiniń tergeý abaqtysyna qamaldy.
