Qyrǵyzstan men Jambyl oblysynyń polıtseıleri bir-birimen tájirıbe almasty
TARAZ. QazAqparat - Qyrǵyz Respýblıkasy Shý oblysy men Talas qalasy ishki ister organdarynyń delegatsııasy Jambyl oblysynyń polıtsııa departamentimen tájirıbe almasty, dep habarlaıdy QazAqparat.
Shekaralas aýmaqtarda ekstremızm men terrorızmge qarsy turý, qaýipsizdikti qamtamasyz etý maqsatynda ótken kezdesýde kórshiles memleketterdiń birlesip jumys júrgizý, sondaı-aq kontrabanda men qarý-jaraq, esirtki zattary, mal aýrýlarynyń jáne basqa da transshekaralyq uıymdasqan qylmystardyń aldyn alý boıynsha máseleler talqylandy.
Jambyl oblystyq polıtsııa departamentiniń basshysy, polıtsııa polkovnıgi Arman Orazalıev birlesken jumys oń nátıje beretinine jáne jalpy kelisilgen áreketterge qol jetkizetinine senim bildirdi.
Aıta keteıik, jıyn barysynda eki jaqtyń quqyq qorǵaý organdarynyń qyzmetkerleri ekstremızm men lańkestik kórinisterine qarsy, urlanǵan uıaly telefondar men qarý-jaraq úshin baǵyttardy belgileý, birlesken jumysty uıymdastyrý boıynsha óz tájirıbelerimen bólisti. Sondaı-aq, sıntetıkalyq preparattardyń, psıhobelsendi zattardyń ınternet-resýrstar arqyly taralýyna qarsy kúres boıynsha máseleler kóterildi.
Ǵıbrat Sembaı
