Qyrǵyzstan men Tájikstan shekarasyndaǵy jaǵdaı: Qaqtyǵys aımaǵynan 848 adam kóshirildi

BІShKEK. Kabar QazAqparat – Batken oblysyndaǵy qaqtyǵys aımaǵynan evakýatsııalanǵan qyrǵyzstandyqtardyń sany 848 adamdy qurady, dep habarlaıdy QazAqparat Batken oblystyq ákimshiliginiń baspasóz qyzmetine silteme jasap.

Olardyń 498-i Batken qalasyna, 350-i Leılek aýdanyna kóshirildi. Evakýatsııalanǵan turǵyndar tamaqpen jáne qajetti zattarmen qamtamasyz etilgen. Shekaradaǵy jaǵdaı odan saıyn shıelenisip, atys jalǵasýda.

Esterińizge sala keteıik, Qyrǵyzstan men Tájikstan shekarasyndaǵy jaǵdaı 28 sáýirde TR azamattary Batken aýdanynyń Kók-Tash aýylyndaǵy sý qabyldaǵyshqa beınebaqylaý kameralaryn ornata bastaǵannan keıin shıelenise tústi. Birlesken atys nátıjesinde eki eldiń turǵyndary bir-birine tas laqtyra bastady. Keıinnen tájikter tarapy Qyrǵyzstan azamattarynyń janynan ótip bara jatqan avtomashınalarǵa ańshylyq myltyqpen oq ata bastaǵan.

Densaýlyq saqtaý mınıstrliginiń málimetinshe, qazirgi ýaqytta 17 adam zardap shekti, bireýi qaıtys boldy.