Qyrǵyzstan men Tájikstan shekarasynda bolǵan jaǵdaıdan keıin áskerı bólimsheler men qarý tehnıkasyn aýmaqtan tysqary áketýge kelisti
BІShKEK. 17 qańtar. QazAqparat - Shekaradaǵy jaǵdaıdy turaqtandyrý úshin Qyrǵyzstan men Tájikstannyń quzyrly organdary, úkimet pen shekaralyq vedomstvolar ókilderi kelissózder júrgizip jatyr.
Qyrǵyzstannyń memlekettik shekara qyzmetiniń baspasóz qyzmetinen habarlaǵandaı, kelissózderdiń biri retinde taraptar shekaralyq qyzmet vedomstvolary ókilderinen birlesken komıssııa qurý týraly sheshim qabyldady.
Eki táýliktiń kóleminde komıssııa Qyrǵyzstan men Tájikstan shekara vedomstvolarynyń basshylaryna barlyq bólimshelerdi turaqty shoǵyrlaný pýnktterine áketý týraly usynystardy jasaýy tıis.
Hattamaǵa sáıkes, Qyrǵyzstan men Tájikstan tarapy shekarany shtattyq bólimshelermen qorǵaýdy júzege asyrýlary kerek.
Eske sala keteıik, 11 qańtar kúni Batken oblysynyń Batken aýdany Aq-Saı aýylynyń mańynda basty sý taratý jelisiniń janynda Tájikstannyń shekara áskeriniń arnaıy toby men Qyrǵyzstannyń MShQ áskerıleri arasynda atys boldy.
Qazirgi ýaqyta shekaradaǵy baqylaý-ótkizý beketteri jabyq. Quqyq qorǵaý organdary men jergilikti bıliktiń habarlaýynsha, shekaradaǵy jaǵdaı turaqty.
