Qyrǵyzstan men Tájikstan shekarany delımıtatsııalaý boıynsha birlesken hattamaǵa qol qoıdy

BІShKEK – Kabar –DÝShANBE - Hovar - QazAqparat – Qyrǵyzstannyń Batken oblysynda qyrǵyz-tájik memlekettik shekarasyn delımıtatsııalaý jáne demarkatsııalaý boıynsha Qyrǵyzstan men Tájikstan úkimettik delegatsııalarynyń otyrysy ótti, dep habarlaıdy QazAqparat.

Qyrǵyzstandyq Kabar agenttiginiń habarlaýynsha, Qyrǵyz Respýblıkasynyń delegatsııasyn Ulttyq qaýipsizdik memlekettik komıtetiniń tóraǵasy Qamshybek Tashıev, Tájikstan Respýblıkasynyń delegatsııasyn Ulttyq qaýipsizdik memlekettik komıtetiniń tóraǵasy Saımýmın ıAtımov basqardy.

Kezdesý barysynda eki tarap qyrǵyz-tájik memlekettik shekarasyndaǵy jaǵdaıdy retteýge baǵyttalǵan ári qaraıǵy is-qımyldar boıynsha pikir almasty.

Kabar agenttiginiń málimdeýinshe, delegatsııa basshylary qyrǵyz-tájik memlekettik shekarasyndaǵy qaqtyǵysty beıbit jolmen retteý qajettiligi týraly ózara túsinistik bildirdi.

Otyrys qorytyndysy boıynsha birlesken hattamaǵa qol qoıyldy.

Tájikstandyq Hovar agenttiginiń habarlaýynsha, Dýshanbede Tájikstan Respýblıkasynyń prezıdenti Emomalı Rahmon men Qyrǵyzstan prezıdenti Sadyr Japarovtyń kezdesýi ótedi. Memleket basshylary 30 sáýirde telefon arqyly sóılesý barysynda kelisti.

Áńgimelesý barysynda Memleket basshylary shekara mańyndaǵy aýdandardaǵy sońǵy qaqtyǵys oqıǵalar jóninde sóz qozǵap, tájik-qyrǵyz shekarasyndaǵy qalyptasqan jaǵdaıdy talqylady.

Jaǵdaıdy qalypqa keltirýge jáne onyń ýshyǵýyna jol bermeýge, atysty tolyq toqtatýǵa jáne belgilengen ýaqytta shekaradan áskerlerdi shyǵarýǵa baǵyttalǵan ýaǵdalastyqtardy oryndaýdyń erekshe mańyzdylyǵy atap ótildi.

Osy turǵyda prezıdentter shekarany delımıtatsııalaý jónindegi kelissózder protsesin odan ári ilgeriletý boıynsha tájik-qyrǵyz memleketaralyq dıalogyn jalǵastyrýdyń mańyzdylyǵyna da nazar aýdardy.

Qyrǵyz Respýblıkasynyń Batken qalasynda 1 mamyrda delımıtatsııa jáne demarkatsııa máseleleri boıynsha Taraptardyń Úkimetaralyq komıssııasynyń otyrysyn ótkizý týraly ýaǵdalastyqtarǵa qol jetkizildi.

Aıta keteıik, 28 sáýir kúni Qyrǵyzstan men Tájikstan shekarasynda eki el turǵyndary ózara kelispeı, qaqtyǵys bastaldy.

Keıin Qyrǵyzstannyń Batken oblysy Batken aýdanynyń «Golovnoı» eldi mekeninde jaǵdaı shıelenise túskeni, el azamattary Isfara-Vorýh tasjolyn jaýyp tastaǵany habarlandy.

29 sáýrde Batken oblysyndaǵy qaqtyǵys aımaǵynan evakýatsııalanǵan qyrǵyzstandyqtardyń sany 848 adamdy qurady.

Osy kúni Qyrǵyzstan men Tájikstan saǵat 20:00-den bastap atysty toqtatý týraly kelisimge keldi