Qyrǵyzstan men Tájikstan shekaradaǵy jaǵdaıdy retteýge kelisti

BІShKEK. QazAqparat – Bir kún buryn Qyrǵyzstan men Tájikstannyń arnaıy qyzmetteriniń basshylary eki eldiń shekaralas aımaqtaryndaǵy jaǵdaıdy turaqtandyrý týraly hattamaǵa qol qoıdy, dep habarlaıdy QazAqparat Qyrǵyzstan Ulttyq qaýipsizdik komıtetiniń memlekettik shekara qyzmetine silteme jasap.

Bul qujat shekara syzyǵynan eki memlekettiń qosymsha kúshin shyǵarýdy, «Tamdyq» (QR) jáne «Bedak» (TR) shekara zastavalaryn, «Bulaq-Bashy» (QR) jáne «Keh» (TR), «Katta-Tuz» (QR) jáne «Qaraqshyqum» (TR), Chaıhana aımaǵyndaǵy «Aq-Saı» (QR) jáne Hodjaı-Alo aımaǵyndaǵy «Sharshara» (TR) beketterin alyp tastaýdy jáne bul aımaqtarda shekaralyq bólimshelerdiń eshbir túrin qaldyrmaýdy kózdeıdi.

Shekara zastavalary men beket ǵımarattary men qurylystary toqtatylyp, osy aýmaqtardaǵy qyrǵyz-tájik memlekettik shekarasyn kelisilgen baǵytpen júretin jyljymaly shekara jasaǵy kúzetetini habarlandy.

Sonymen qatar, qol jetkizilgen kelisýshilikterge sáıkes, bul aımaqtarda eki eldiń shekaralas turǵyndarynyń júrip-turýyna, shekarany zańdy rásim aıaqtalǵansha kez kelgen sharýashylyq jáne basqa da qyzmet túrlerin júrgizýge tyıym salyndy.

Qaqtyǵys jıi bolatyn aımaqtarǵa beınebaqylaý kameralary ornatylady.

Bul hattama ýaqytsha bolyp tabylady jáne eki respýblıka arasyndaǵy shekarany delımıtatsııalaý jáne demarkatsııalaý protsesi tolyq aıaqtalǵanǵa deıin jaramdy.

Foto:media-center.kg