Qyrǵyzstan men Tájikstan shekaradaǵy jaǵdaı boıynsha birlesken málimdeme jasady
«Qyrǵyzstan men Tájikstan shekarasyndaǵy qarýly janjaldy retteý boıynsha Qyrǵyzstan men Tájikstan úkimetteri bastamasymen qurylǵan komıssııa 29 sáýir kúngi qaqtyǵystyń sebebi men saldaryn talqylady», - delingen Kabar agenttigi taratqan birlesken málimdemede.
Hovar agenttiginiń habarlaýynsha, Qyrǵyzstan men Tájikstan shekarasyndaǵy qarýly janjaldy retteý boıynsha Qyrǵyzstan men Tájikstan úkimetteri bastamasymen qurylǵan komıssııa 29 sáýir kúngi qaqtyǵystyń sebebi men saldaryn talqylady, qarýly janjaldy toqtatý týraly ortaq kelisimge keldi. Atap aıtqanda, jeke quram men áskerı tehnıkany turaqty ornyna jetkizý, shıelenistiń kúsheıýin boldyrmaý úshin sharalar qoldaný, eki dos halyq pen memlekettiń múddesine saı jemisti kelisý protsesi úshin kózdelgen sharalardy tolyq júzege asyrý men tıisti turaqty jaǵdaı týdyrý maqsatynda eki el bıliginiń quqyq qorǵaý organdary men atqarýshy bılik qyzmetkerleri qatarynan ortaq jumys tobyn qurý talqylandy.
Eske sala ketsek, 28 sáýir kúni Qyrǵyzstan men Tájikstan shekarasynda eki el turǵyndary ózara kelispeı, qaqtyǵys bastaldy. Qyrǵyzstannyń Batken oblysynyń Batken aýdanynyń «Golovnoı» eldi mekeninde jaǵdaı shıelenisip ketti. Qyrǵyz tarapy qaqtyǵys aımaǵynan 848 adam kóshirilgenin málim etti.
Qyrǵyzstan men Tájikstan 29 sáýirde saǵat 20:00-den bastap atysty toqtatý týraly kelisimge keldi.
Sondaı-aq, Qazaqstan Prezıdenti qyrǵyz-tájik memlekettik shekarasyndaǵy jaǵdaıǵa baılanysty málimdememe jasady.
