Qyrǵyzstan men Tájikstan shekaradaǵy qaqtyǵys aımaǵynan áskerılerdi shyǵarýǵa kelisti

ASTANA. 14 qańtar. QazAqparat - Qyrǵyzstannyń Batken qalasynda ótken kelissózder barysynda Qyrǵyzstan men Tájikstan shekaradaǵy qaqtyǵys aımaǵynan áskerı bólimder men basqa arnaıy qurylymdardy shyǵarýǵa ýaǵdalasty.

Bul týraly ITAR-TASS-tyń tilshisine 14 qańtar kúni Qyrǵyzstannyń memlekettik shekara qyzmetiniń qoǵammen baılanys boıynsha bóliminen habarlaǵan.

«Bul kezdesýde Qyrǵyzstan tarapyn memlekettik shekaralyq qyzmeti tóraǵasynyń birinshi orynbasary Iskender Mambetalıev jáne ishki ister mınıstriniń orynbasary Kýrsan Asanov basqardy, - dep málimdedi bólimde. - Al Tájikstan tarapyn Ulttyq qaýipsizdik memlekettik komıtetiniń shekara áskeriniń basshysy Radjabalı Rahmonalı basqardy».

Eske sala ketsek, aǵymdaǵy jyldyń 11 qańtarynda Qyrǵyzstannyń Batken oblysynyń Aq-Saı aýylynyń mańynda eki el shekarashylarynyń arasynda atys bolǵan edi. Qaqtyǵys saldarynan qyrǵyzdardan alty adam, tájikterden eki adam jaraqattandy.