Qyrǵyzstan men Ózbekstan shekarasynda 6 ball qýatymen jer silkindi
BІShKEK. KABAR – QazAqparat – Qyrǵyzstan men Ózbekstan shekarasynda 6 qarashada jergilikti ýaqytpen 13:38-de 6 ball magnıtýdasymen jer silkindi, dep habarlaıdy QazAqparat KABAR agenttigine silteme jasap.
Qyrǵyz Respýblıkasy UǴA Seısmologııa ınstıtýtynyń málimetinshe, zilzala oshaǵy Ózbekstan men Qyrǵyzstan shekarasynda, Pýlgon aýylynan soltústik-shyǵysqa qaraı 8 shaqyrym, Qadamjaı qala tıptes aýylynan soltústik-shyǵysqa qaraı 10 shaqyrym, Yntymaq aýylynan ońtústik-shyǵysqa qaraı 10 shaqyrym jáne Osh qalasynan ońtústik-batysqa qaraı 95 shaqyrym jerde ornalasqan.
Qyrǵyzstannyń eldi mekenderinde zilzala kúshi mynadaı boldy:
Qadamjaı, Pýlgon, Yntymaq aýyldarynda – 6 ball shamasynda,
Jıdelik, Qotyr-Bulaq, Alǵa, Shýran, Markaz, Qara-Debe, Úsh-Qorǵan, Qyzyl-Bulaq, Kotormo, Tamasha, Orozbekovo, Qyzyl Qııa qalasynda – 5 ball,
Karavan, Naıman, Bor-Bash, Kojo-Aryq, Qyzyl-Bulaq, Besh-Býrkan, Valakısh, Chaývaı, Qara-Djıgach, Maıdan, Karool, Qara-Shora, Gaırat, Kýldý, Aıdarken, Jańa-Qorǵan, Ormash, Sýr, Qyzyl-Qorǵan, Otýkchy, Sary-Ótek, Qara-Tumsyq, Jańa-Jer, Qyrǵyz-Qyshtaq – 4 ball,
Batken qalasy, Bazar-Bashy, Býjým, Nookat, Frýnzne, Djany-Nookat, Aravan aýyldarynda 4 balǵa jýyq,
Osh qalasynda – 3 ball.
Eske salaıyq, búgin, saǵat 13.38-de Qazaqstannyń seısmıkalyq stantsııalary Almaty qalasynan 565 km jerde Qyrǵyzstan aýmaǵynda bolǵan jer silkinisin tirkedi. Jerasty dúmpýi Shymkent qalasynda 2-3 ball qýatymen sezildi.
