Qyrǵyzstan men Ózbekstan arasyndaǵy memlekettik shekarany mejeleý aıaqtaldy

BІShKEK. QazAqparat – Qyrǵyzstan Ózbekstanmen memlekettik shekarany delımıtatsııalaý protsesin aıaqtady, dep habarlaıdy QazAqparat tilshisi Qyrǵyz Respýblıkasy Prezıdentiniń baspasóz qyzmetine silteme jasap.

Ózbekstan Respýblıkasynyń Prezıdenti Shavkat Mırzıeevtiń Qyrǵyzstanǵa memlekettik sapary barysynda eki memleket basshylary qyrǵyz-ózbek memlekettik shekarasy týraly shartty ratıfıkatsııalaý gramotalarymen almasyp, sol arqyly shekara máselesine núkte qoıdy.

Qyrǵyzstan men Ózbekstan arasynda saıası qaıshylyqtar joq, memleket basshylary shekara máselesi boıynsha dıalog pen ózara qolaıly sheshimderdi izdeýge daıyn ekendikterin bildirdi.

Buǵan deıin habarlaǵanymyzdaı, Qyrǵyz Respýblıkasy men Ózbekstan arasyndaǵy uzyndyǵy 302,29 shaqyrymǵa sozylǵan qyrǵyz-ózbek memlekettik shekarasynyń jekelegen ýchaskeleri týraly kelisim ratıfıkatsııalanǵan.

Foto: yuz.uz