Qyrǵyzstan men Qytaı úkimetteriniń basshylary «Qytaı-Qyrǵyzstan-Ózbekstan» temirjoly jobasyn júzege asyrý nıetterin qýattady
ShKEK. 15 qyrkúıek. QazAqparat /Arnur Rahymbekov/ - Qyrǵyz Respýblıkasynyń Premer-Mınıstri Almazbek Atambaev «Jazǵy Davos» búkilálemdik ekonomıkalyq forýmynyń jumysyna qatysý aýqymynda Qytaı Halyq Respýblıkasy Memlekettik keńesiniń premeri Ven Tszıabaomen kezdesti.
Taraptar eki el arasyndaǵy saýda-ekonomıkalyq yntymaqtastyqtyń ózekti máselelerin talqylady jáne ózara tıimdi negizdegi qatynastardy damytý qajettigin atap kórsetti.
Qyrǵyzstan jáne QHR úkimetteriniń basshylary birlesken ekonomıkalyq jobalardy júzege asyrýǵa jańa serpin berýge ýaǵdalasty, solardyń arasynda josparlanyp otyrǵan «Qytaı-Qyrǵyzstan-Ózbekstan» temir jolynyń qurylysy da bar. Almazbek Atambaev pen Ven Tszıabao Qytaıdy ortalyqazııalyq eldermen baılanystyratyn temir jol qurylysy «Uly Jibek jolynyń zamanaýı aıta jańǵyrýy» bolyp tabylatynyn atti.
Kezdesý barysynda Ven Tszıabao joǵarǵy qytaı basshylyǵynyń qyrǵyz úkimetine el ekonomıkasyn ornyqty ósimge shyǵarýǵa kómektesetinin málimdedi jáne QHR kommertsııa mınıstrligine Qyrǵyz úkimetimen jańa iri ınvestıtsııalyq jobalardy qarjylandyrýda jáne júzege asyrýda tyǵyz baılanys jasaýǵa tapsyrma bergenin aıtty.
Kezdesý aıaqtalǵannan keıin taraptar Qyrǵyzstan men Qytaı mınıstrlikteriniń arasyndaǵy yntymmaqtastyq, ózara bas konsýldyqtar ashý, zııatkerlik menshikti qorǵaý jónindegi kelisimderge qol qoıdy.
