Qyrǵyzstan men Qytaı shekarasyndaǵy qarýly qaqtyǵysta 2 adam mert boldy
BІShKEK. 23 qańtar. QazAqparat - Búgin Qyrǵyzstannyń Ystyqkól oblysynda bir top belgisiz adamdar qoryqshyny óltirip, shekarashylarǵa qarýly qarsylyq kórsetti.
Qyrǵyzstannyń Memlekettik shekara qyzmetiniń qoǵammen baılanys jónindegi bólimi men BAQ habarlaǵandaı, Ystyqkól shekara bóliminiń aýmaǵynda Qyrǵyzstan Respýblıkasynyń Memlekettik shekara qyzmetiniń bólimi men belgisiz bireýler arasynda qarýly qaqtyǵys oryn aldy. Osyǵan deıin shekarashylarǵa el aýmaǵynda shamamen 10 adamnan turatyn qarýlanǵan top júrgeni týraly habar túsken. Artynan olar ań sharýashylyǵy qyzmetkerin óltirip, onyń qarýyn tartyp alǵany belgili boldy. Oqıǵa ornyna kelgen shekarashylardy belgisiz bireýler atyp ketti. Shabýylǵa jaýap bergen áskerıler 2 quqyqbuzýshyny óltirdi. Keıin qylmyskerler «Pıkertyk» jylytý pýnktine qamaldy. Qyrǵyzstannyń Memlekettik shekara qyzmetiniń áskerıleri olarmen kelissóz júrgizýde. Osyǵan baılanysty qyrǵyz Úkimeti Bishkekte shuǵyl keńes ótkizdi. Áskerı qurylymdardyń jetekshilerine zań buzýshylardy zııansyzdandyrý buıryǵy berdi. Oqıǵa ornyna Shý shekara otrıadynyń áskerıleri, oblys basshylary, sondaı-aq Qyrǵyzstannyń ІІM men MUQK ókilderi ushty. Qazirgi ýaqytta qylmyskerlermen kelissózder júrgizilýde.
